Shefi ekzektutiv i kompanisë, Lactalis, Emmanuel Besnier, ka konfirmuar për skandalin e kontaminimit për një media franceze.

Produktet janë tërhequr nga tregu prej muajit dhjetor, që kur bakteria është identifikuar në një fabrikë në veriperëndim të Francës.

Revista e përjavshme, Le Journal du Dimanche, ka thënë se 35 foshnje janë diagnostikuar me bakterien salmonella në Francë, një në Spanjë dhe një rast i mundshëm në Greqi.

Javën e kaluar, ministri i Ekonomisë, Bruno Le Maire, ka thënë se çdo produkt që ende ka mbetur nëpër dyqane duhet të largohet menjëherë.

Thirrja për largim vlen për produktet e kompanive, Picot, Milumel, dhe Taranis.

Bakteria salmonella mund të shkaktojë barkqitje, të vjella dhe dehidrim.

Mund të jetë shumë e rrezikshme për foshnjat.

Lactalis, është një nga prodhuesit më të mëdhenj të produkteve të qumështit.

LEAVE A REPLY

Please enter your comment!
Please enter your name here